#Legoland #今日正式開幕喇‼️
#即睇桃媽心得遊園攻略
呢年冇得飛✈️香港本地親子遊又去得7788，想係市區搵個新景點？
香港樂高®探索中心 佔地 30,000 平方呎，適合 3 - 10 歲嘅小朋友同家庭，入面有 10 個不同樂高®主題園區，一如以往即刻同大家分享「遊園」攻略心得文🥰
首先大家需要知道入面有兩個園區係要按時間預約嘅，所以
第一站1⃣樂高®創意工作室
呢個工作室需要拎籌，所以記得一入去拎左先
適合 5歲小朋友玩，每節20-25分鐘，會有專人教授點樣組裝Lego，每個月都有唔同主題架，我地今日就砌左「古堡歷險」架戰車
2⃣樂高®4D 動感體驗
呢個4D電影都係有指定時間嘅，會有兩套電影，想睇指定果套記得mark實時間番離排隊喇，入面需要戴上3D眼鏡，同埋建議大家坐中間位置，唔係有機會成身「濕」
接落嚟介紹兩款機動遊戲
包括之前提過嘅3⃣古堡歷險
佢係一款射擊遊戲，坐上戰車用鐳射槍瞄準邪惡嘅怪獸，一齊去拯救公主，家長仲可以同小朋友鬥高分添！
4⃣魔法轉盤
唔好以為只係普通轉轉機動遊戲，佢以3D 樂高®模型魔法屋場景設計，仲加插唔同嘅燈光同聲效，每個座位下面都有個單車腳踏，踩得愈快座位就升得愈高！
⚠️注意小朋友最少需有90cm
5⃣樂高®賽車場
小車手注意，立即發揮創意拼砌專屬戰車參加比賽喇！除左可以鬥快，仲可以鬥跳得過跳得遠！
6⃣地震測試區
小朋友未識玩Lego只識「疊高高」？疊得愈高愈易冧？地震測試區由你調較地震幅度，睇下邊個可以砌到「最穩陣」嘅摩天大樓！
7⃣迷你天地®
由15名專業模型大師，用超過一百萬塊樂高積木搭建而成嘅超級迷你世界，仲有多個香港著名景點，當中仲有唔少有互動設施架！
8⃣樂高®好朋友
女孩子最愛嘅好朋友係哂心湖城喇，5 位樂高®好朋友原始尺寸模型係度等緊大家同佢打卡影相，呢度共設有 3 個 Play Table，俾小朋友step by step咁裝飾呢個城市！
9⃣樂高®得寶農莊
岩哂小bb嘅DUPLO都可以係度任玩，仲有條2米高嘅得寶穀倉外型滑梯同大型得寶軟積木池！
記得同 30 厘米高樂高®動物模型抱抱影相丫
🔟樂高®城市歷奇
小朋友最愛嘅地方！任爬任玩嘅放電遊戲區以消防學院場景設計，設有多塊巨型樂高®積木遍布不同地方，等小朋友拼砌喜愛嘅城市建築物！仲有3D 樂高®消防員模型同大家一齊出動添！
玩到攰就可以去👉樂高®咖啡室，食下野休息下喇，價錢都唔貴，Donut + Qoo果汁再送埋Lego餐盒都只係$89，部份產品有annual pass仲有優惠添！
臨走唔捨得？不妨去到👉禮品店
買幾盒番屋企繼續發揮無窮創意！
【香港樂高®探索中心】
📍地址: 香港九龍尖沙咀梳士巴利道 18 號 K11 MUSEA 地庫 1 樓 B131-133 號
☎客戶服務熱線：2143 7300
➡️購票網站：https://bit.ly/3urbFeA
#LEGOLANDDiscoveryCentre #香港樂高探索中心 #香港首個LEGO主題室內遊樂場 #3月6日開幕 LEGOLAND Discovery Centre Hong Kong 香港樂高探索中心
Search